Xhakomo Vrioni duket se do të ketë rol kryesor në këtë edicion në kampionatin austriak me fanellën e Tirol, duke ndihmuar skuadrën e tij me gola të rëndësishëm që të sigurojë rezultate mjaft të mira që në start.
Sulmuesi shqiptar ka luajtur dy ndeshje në kampionat dhe në të dyja, ka arritur të tundë rrjetën.
Një javë më parë ai shënoi në sfidën ndaj Austrisë së Vjenës, të mbyllur me rezultatin 1-1. Sot, ndaj LASK Linz, atij iu desh më pak së gjysmë ore në fushë për të tundur rrjetën me golin e radhës.
Sulmuesi shqiptar u tregua i vëmendshëm duke ndjekur aksionin me një kundërsulm të shpejtë dhe dërgoi topin në rrjetë për t’i dhënë avantazhin skuadrës së tij ndaj një ekipi me shumë pretendime në kampionatin austriak.
