Joe Willock karrierën do ta vazhdojë te Newcastle United.
Newcastle ka arritur marrëveshje me Arsenalin për transferimin e Willock.
Klubi anglez ka shpenzuar rreth 30 milionë euro për blerjen e futbollistit.
Mesfushori ishte i huazuar sezonin e kaluar te Newcastle ku në 14 ndeshje realizoi tetë gola dhe i bindi drejtuesit e klubit që të blejnë karton e tij të plotë.
Willock është shprehur i lumtur për aventurën e re.
“Më pëlqeu koha ime këtu sezonin e kaluar dhe jam shumë i lumtur që jam kthyer sërish dhe jam lojtar i Newcastle United, tha ai.
“Largimi nga Arsenali është padyshim një hap i madh dhe do të doja të falënderoja të gjithë të përfshirë në klub për gjithë mbështetjen e tyre gjatë viteve, por kjo është lëvizja e duhur në klubin e duhur në kohën e duhur për mua”, përfundoi Joe Willock.
