Arsenali e nisi me këmbën e gabuar sezonin 2021-2022 të Premier Leagues. “Topçinjtë” u mposhtën 2-0 në “Community Stadium” nga Brentford, skuadër që rikthehej në ligën kryesore angleze pas 74 vitesh. Trajneri Mikel Arteta u shfaq shumë i zhgënjyer nga paraqitja e ekipit të tij në këtë sfidë të parë të kampionatit.
“Jemi shumë të zhgënjyer të gjithë për mënyrën se si e nisëm këtë sezon të ri. Erdhëm me të tjera synime dhe nuk i’a arritëm që të realizonim objektivin tonë, dhe nuk ofruam një paraqitje të mirë”, deklaroi Arteta.
Edhe pse edicioni i ri sapo ka nisur duket se që tani londinezët e Artetës kanë hyrë në rrugën e një mini-krizë, sepse sinjalet ishin dhënë që në takimet përgatitore ku bardhekuqtë nuk arritën të fitonin asnjë nga 4 ndeshjet e luajtura, madje u dorëzuan në 3 prej tyre.
Pa i hequr asgjë entuziazmit të Brentford, por është e patolerueshme për një klub me histori të madhe që të ofrojë një paraqitje si ajo e së premtes në mbrëmje. Me të drejtë Arteta nuk mund të mos ishte vetëm se i zhgënjyer nga performanca tejet negative e ekipit të tij në stadiumin e Brentfordit.
Ndërkohë që natyrisht u shfaq mjaft i lumtur trajneri i Brentfordit Thomas Frank i cili deklaroi se edhe pse para ndeshjes shumë njerëz nuk besonin tek fitorja ai ishte ndër ata që kishte deri diku bindjes se ekipi i tij do ta thyente Arsenalin, bindje që ‘ia konfirmuan në fund futbollistët e tij.
