Liverpool është përgjigjur ndaj thirrjeve homofobike që u bën në drejtim të Billy Gilmour, shkruan Insporti.
Reprezentuesi skocez dhe i huazuari nga Chelsea, 20 vjeç, dyshohet se u shënjestrua nga disa tifozë gjatë fitores 3-0 të Reds.
Liverpool ka dënuar thirrjet ndaj mesfushorit të Norwich, duke u bërë thirrje tifozëve të mos përdorin gjuhën që është përdorur ndaj Gilmour.
“Thirrja është ofenduese dhe e papërshtatshme – një mesazh që ne kemi komunikuar vazhdimisht së bashku me Kop Outs”.
“Ne u bëjmë thirrje mbështetësve të mbajnë mend vlerat gjithëpërfshirëse të klubit dhe të përmbahen nga përdorimi i thirrjeve homofobike në të ardhmen".
