Fabio Capello ka analizuar kampionatin italian pak ditë para fillimit të sezonit të ri.
“Juventus niset në pole position pas shitjeve të Inter-it. Të gjithë presin nga Allegri, por nuk do ta ketë të lehtë të përsërisë ciklin e mëparshëm. Max duhet të tregojë forcë dhe vendosmëri. Pres diçka speciale nga Dybala dhe De Ligt”, ka thënë Capello për Gazzetta dello Sport.
Në lidhje me Inter-in dhe lamtumirat e Conte, Hakimi dhe Lukaku:
“Është larguar trajneri, janë larguar dy kampionë, por ekipi mbetet cilësor. Dzeko është perfekt si zëvendësues i Lukaku-t.
Calhanoglu do të jetë i rëndësishëm. Simone Inzaghi mund ta motivojë grupin me pak fjalë: të tregojë se Inter nuk ishte vetëm Hakimi dhe Lukaku”.
