Mbrojtësi i Barcelonës, Gerard Pique ka insistuar se katër kapitenët e skuadrës së tij do të ulin pagat vjetore, në mënyrë që ta lehtësojnë klubin nga kriza ekonomike që e ka kapluar.
Disa tifozë në ‘Camp Nou’ e fishkëllyen Jordi Alba të dielën mbrëma në ndeshjen ndaj Real Sociedad, pas disa raporteve ku thuhej se ai nuk pranoi të ulte pagën e tij.
Mbrojtësi i Barcelonës, Gerard Pique ka këmbëngulur se të katër kapitenët e klubit përfundimisht do të marrin një ulje të pagës.
Klubi tashmë ka konfirmuar se paga e Piques është “ulur ndjeshëm”, gjë që lejoi që Memphis Depay, Eric Garcia dhe Rey Manaj të regjistrohen për sezonin e ri të La Ligas.
Pique ka këmbëngulur se kapitenët e tjerë Sergio Busquets, Sergi Roberto dhe Jordi Alba së shpejti do të ndjekin shembullin e tij pas situatës së rëndë financiare të Barçës.
Duke folur për ‘Movistar’ pas fitores 4-2 të Barcelonës ndaj Real Sociedad, Pique tha: “Ulja e pagës është ajo që duhej të bëja, mendoj.
“Dua të theksoj se ne kemi qenë në kontakt me kapitenët e tjerë për uljen e pagës dhe e di që ata do të bëjnë të njëjtin hap së shpejti, është vetëm një çështje kohe.
“Unë duhej të isha i pari që do ta bëja shpejtë, për shkak të çështjes së regjistrimit. Por kjo është një familje, ne jemi të gjithë së bashku, kapitenët kanë pasur të gjithë qëllimin që në momentin e parë për t’u përshtatur me atë që i duhej klubit, dhe ky është vendimi që kemi marrë dhe ne jemi krenarë për të.
Alba dëgjoi fishkëllimat nga disa tifozë në Camp Nou të dielën pas raporteve se ai nuk pranoi të ulë pagën e tij, megjithatë Pique mendon se ka ndodhur një keqkuptim.
“Ndonjëherë ka keqkuptime,” tha Pique. “Unë kam qenë në kontakt me Sergi, Busi dhe Jordi, dhe ne të gjithë jemi dakorduar, për të arritur një marrëveshje.
“Me pak orë të mbetura para fillimit të ligës klubi kishte nevojë për dikë që ta zyrtarizonte që të ishte në gjendje të regjistronte lojtarët e rinjë, por e di që edhe të tjerët janë gati ta bëjnë këtë”, ka përfunduar mbrojtësi spanjoll.
