Fejnordi arriti të marrë një fitore të thellë kundër rivalëve të Elfsborgut në ndeshjen e ‘’Play-off’’-it të Ligës së Konferencës duke i shkërmoqur suedezët me rezultatin 5-0.
Gjatë ndeshjes, ndodhi një episod qesharak që mori vëmendjen e të gjithë.
Gjatë tentativës për të arritur një top, futbollisti i Elfsborgut goditi kameramanen duke i rrëzuar pajisjet në tokë.
Në këtë moment futbollistët vendas ndërhynë duke ndihmuar kameramanen e cila ishte e pafuqishme në atë moment. Pamjet janë bërë virale duke shkaktuar hilaritet në radhët e komentuesve.
