Milani mbyll përgatitjet për javën e parë të kampionatit të ri të Serie A, duke pritur debutimin në fushën e Sampdoria. Pas vendit të dytë sezonin e kaluar, kuqezinjtë rifillojnë me synimin për të ngritur nivelin dhe për të luajtur një kampionat pozitiv.
“Djalli” humbi Donnarumma dhe Calhanoglu, por ka marrë lojtarë të sprovuar si Mike Maignan, Olivier Giroud dhe kampionin europian Alessandro Florenzi. Në krye është gjithmonë Stefano Pioli, shumë i konfirmuar, i cili bëri prognozën e transfertës së nesërme:
“Unë jam shumë i lumtur me lojtarët e rinj: nga Mike (Maignan), Olivier (Giroud), Ballo-Touré, Alessandro (Florenzi). Ata kanë fituar trofe sjellin përvoja të nivelit të lartë. Këta lojtarë e dinë se çfarë do të thotë të fitosh, janë shumë profesionistë. Ne kemi bërë gjithçka të nevojshme për t’u paraqitur në kushtet më të mira të mundshme për ndeshjen e nesërme”.
Milani, së bashku me Atalantën, janë ndër ekipet kryesore që nuk e kanë ndryshuar trajnerin e tyre.
Pioli flet për vazhdimësinë, por pa hequr dorë nga risitë: “Vazhdimësia është e rëndësishme për parimet e lojës. E konsideroj një avantazh, që duhet demonstruar në fushë. Në futbollin modern nuk mund të kesh një model loje të vetme, sezonin e kaluar ndryshonim lojë pas loje.
Qëllimi ynë është kemi më shumë përparësi nga ndeshja në ndeshje. Unë nuk jam i lidhur me asnjë sistem loje, por me parimet tona. Duam të luajmë futboll sulmues dhe të shpejtë, i cili kërkon përpjekje të mëdha dhe shpirt ekipor. Ne duhet të konfirmojmë veten në nivele të larta”.
