Chelsea ka realizuar dy fitore në dy ndeshjet e para të sezonit të ri të Premier Ligës duke triumfuar ndaj Crystal Palace dhe Arsenalit, madje duke shënuar pesë gola dhe mos e pranuar asnjë.
Trajneri i “Bluve” të Londrës Thomas Tuchel u shpreh shumë i kënaqur me rezultatet e skuadrës së tij aq sa edhe e quajti një “fillim perfekt” të edicionit të ri garues 2021/22.
“Një fillim perfekt. Ne nuk pranuam gol dhe kemi dy fitore. Ky sot ishte një derbi i Londrës, na jep shumë besim”.
"Kjo është ajo që ju nevojitet. Ne jemi një grup tjetër dhe kjo është ajo për të cilën keni nevojë, përvoja së bashku si në fitore si në humbje. Kështu ndërtohet një grup. Kjo është arsyeja pse ne jemi absolutisht të kënaqur me fillimin e këto sezoni.”, tha tekniku gjerman.
Sa i përket debutimit me gol të Romelu Lukakut, Tuchel tha:
“Ne e kemi transferuar atë për të luajtur, jo për të qëndruar në pankinë. Ne presim që Romelu Lukaku të ketë ndikim. Ne presim gola nga ai sepse ai ka dhënë gola kudo që ka luajtur".
