A do të rinovojë Franck Kessie? Ende nuk ka lajme, por vetëm heshtje edhe pse dje drejtuesi i lartë i Milanit, Paolo Maldini, sqaroi pozicionin e klubit dhe pronësisë Elliott: “ne nuk do të shkojmë përtej linjave të klubit.
E kemi bërë në të shkuarën dhe e kemi paguar këtë gjë, kështu që nuk është puna rinovim ose afrime, thjesht duhen ndjekur e zbatuar piketat e vendosura”…
Praktikisht, rinovimi ka ngecur. Franck Kessie përpara 1 muaji deklaroi se “sapo të kthehem në Milano nga Olimpiada, do të zgjidh rinovimin. Dëshira ime është të vazhdoj te Milani shumë vite dhe më pëlqen që më thërrasin Presidenti”…
Milani ka shkuar përtej mundësive duke ofruar deri në 5.5 mln euro në sezon, kurse sipas asaj që shkruhet e thuhet, lojtari do 6.5 mln euro pjesë fikse të rrogës, pa harruar komisionin e agjentit të tij Atangana.
Ofertat nga Premier League nuk mungojnë dhe Tottenham i Paraticit ka arritur të ofrojë gati 7 mln euro në sezon te mesfushori kuqezi, që për momentin është i dëmtuar dhe shijon edhe hidromasazhin, ashtu si shihet nga postimi i Raffael Leao në Instagram.
