Skuadra e Sileksit nga Kratova dje shënoi fitore të lehtë në udhëtim te Kadino me rezultat 0-3, në hapje të sezonit të ri në ligën e dytë-grupi i Perëndimit.
Fituesit e kupës së Maqedonisë së Veriut në mënyrë të shkëlqyeshme e kanë kryer punën e tyre, duke qenë kundërshtar shumë më cilësor se vendësit. Tre golat i kanë shënuar Stojcevski, Manasievski dhe Aliji.
Ky i fundit fillimishtë pranoi një top para zonës së 16-shit, pastaj nisi t’i dribloj disa lojtarë, dhe me këmbën e majtë shënoi golin e tretë, duke vulosur fitoren e thellë prej 3-0.
Kjo ndodhi në minutën e 69-të të takimit.
Në ndeshjen e ardhshme, Sileksi në fushë të vet e pret Vardarin, që njëherësh do të jetë edhe derbi i javës së dytë në ligën e dytë-Perendim.
