Transferimi i Cristiano Ronaldos drejt Mançester Junajtid ka bërë bujë të madhe në rrjetet sociale aq sa shumë i janë rikthyer deklaratave të futbollistëve të Juventusit për yllin portugez.
Një ndër ta dhe transferimi më i fundit i Juves, Manuel Lokateli. Mesfushori 24-vjeçar u transferua këtë verë nga skuadra e Sausolos dhe në prezantimin e tij si futbollist bardhezi u shpreh:
‘’Kur e shikon në fushë dhe më pas në dhomat e zhveshjes është diçka komplet ndryshe. Më para e shikoja në Youtube, tani do të luajë me të’’.
Një deklaratë sa e ndjerë aq dhe keqardhëse pasi tani Lokateli nuk do të luajë me Kristiano Ronaldon i cili nënshkroi për dy vite me Junajtid.
