Artim Shaqiri prej dje edhe zyrtarisht është trajner i ri i FC Schaffhausen (Challenge League-Liga e dytë) në Zvicër.
Lajmi është publikuar edhe në faqen e klubit zvicerian. Drejtues të klubit ishin në kërkim të një trajneri të ri, pas largimit të Murat Jakin, i cili mori drejtimin e Kombëtares së Zvicrës, shkruan gazetari Reshat Ibraimi.
48-vjecari ka një karrierë të pasur si lojtar dhe trajner.
Artim Shaqiri luajti në Vardar dhe në liga të ndryshme evropiane si: Halmstad BK (Suedi), TeBe Berlin, Gorica (Slloveni), Malatijaspor (Turqi), CSKA Sofija (Bullgari), u transferua në West Bromwich Albion. Nga Anglia Shaqiri kaloi në Aalborg (Danimarkë) dhe më pas në Vaduz (Lihtenshtejn) përmes Inter Turku (Finlandë). U kthye te Shkëndija, Besa Kavajë dhe Qarabag në Azerbajxhan. Ndërsa, si trajner punoi te Shkëndija e Tetovës, FK Kukësi dhe Flamurtari i Prishtinës.
Shaqiri ka zhvilluar 73 ndeshje për kombëtaren e Maqedonisë dhe ka shënuar 15 gola.
Artim Shaqiri menjëherë do të jetë në dispozicion të FC Schaffhausen, por do të duhet të presë derisa t’i arrijë leja e punës.
FC Schaffhausen mirëpret ngrohtësisht Artimin dhe i uron suksese në shtëpinë e tij të re.
