Cristiano Ronaldo është liruar nga grumbullimi me Kombëtaren e Portugalisë.
Federata e Futbollit e Portugalisë ka njoftuar se Ronaldo është liruar nga detyrat me kombëtaren, pasi edhe ashtu nuk mund të paraqitet ndaj Azerbejxhanit në ndeshjen kualifikuese për Botërorin “Katar 2022”.
36-vjeçari u ndëshkua me karton të verdhë në ndeshjen e së mërkurës ndaj Irlandë, duke u suspenduar kështu për ndeshjen e radhës.
Kësisoj, Federata e Futbollit e Portugalisë ka vendosur ta lirojë pesë herë fituesin e “Topit të Artë” nga grumbullimi.
Kjo nënkupton se Ronaldo nuk do të paraqitet as në miqësoren e 9 shtatorit ndaj Katarit.
Tani, Cristiano Ronaldo raportohet se mund të fillojë stërvitjet me Manchester Unitedin, më herët nga se ishte parashikuar.
