Cristiano Ronaldo u bë golashënuesi më i mirë në histori të kombëtareve duke arritur shifrën e 111 golave me fanellën e Portugalisë.
Një shifër e frikshme për një futbollist i cili mund të luajë maksimumi 10 ndeshje me kombëtaren në vit. Por një kundërshtar i vjetër po i kërcënon rekordin, dhe ai është Romelu Lukaku.
Pasi e rivalizoi në Serinë A me fanellën e Interit duke fituar dhe kampionatin, Lukaku është vënë pas rekordit të golashënuesve të kombëtares të mbajtur nga Ronaldo.
Dygolëshi ndaj Estoninë, e çon sulmuesin belg në kuotën e 66 golave me Belgjikën në 99 ndeshje të luajtura, ndërsa Ronaldo ka shënuar 111 gola në 180 paraqitje për Portugalinë. Sulmuesi i Çelsit ka një mesatare prej 0.67 golash për ndeshje me Belgjikën, ndërsa Ronaldo ka një mesatare 0.61.
Vetë Lukaku foli pas ndeshjes me Estoninë duke u shprehur: ‘’Nuk mendoj për arritjen e rekordit. Ngrihem çdo mëngjes me qëllim për të fituar. Nëse ndonjëherë arrij rekordin do të ishte fantastike, por mbi të gjitha dua të fitoj’’.
