Përfaqësuesja e Maqedonisë së Veriut, me tre shqiptarë, Ezgjan Alioski, Visar Musliu e Enis Bardhi, udhëtojnë për në Islandë. Nuk dihet se a ka udhëtuar apo jo edhe Arian Ademi.
Maqedonia, të dielën (5 shtator, 18.00) e pret ndeshja e pestë në kualifikimet për Kupën e Botës 2022, kundër Islandës.
Pas duelit të djeshëm me Armeninë, lojtarët e zgjedhur të Blagoja Milevski sot nga aeroporti i Shkupit në orën 16:00 u nisën për në Reikjavik ku nesër do të realizojnë përgatitjet përfundimtare para ndeshjes të së dielës.
Kire Markoski i është bashkuar ekipit, i cili është emër i ri.
