Sonte në orën 20.45, në stadiumin “Fadil Vokrri” në Prishtinë, ballafaqohen Kombëtarja e Kosovës dhe ajo e Greqisë, në kuadër të xhiros së pestë të kualifikueseve për Kampionatin Botëror në futboll.
Kosova aktualisht renditet në vend tretë me 3 pikë në Grupin B, duke lënë pas Greqinë me 2 dhe Gjeorgjinë me 0 pikë.
Media greke “sport24”, shkruan se Greqisë i duhet fitorja me çdo kusht.
“Kombëtarja e Greqisë synon me çdo kusht fitoren me Kosovën në Prishtinë për të mbajtur gjallë shpresat e kualifikimit në fazën finale të Kupës së Botës – Katar 2022.
John van 't Schip ka zgjedhur të rreshtojë ekipin Kombëtar në një formacion 3-5-2.
Në çdo rast, barazimi në shtëpi me Gjeorgjinë dhe fitorja e Suedisë kundër "Furisë së Kuqe" e kanë vënë ekipin përfaqësues në një pozitë të vështirë.
Kjo është arsyeja pse duhet të fitojmë dhe për të mbajtur gjallë shanset”, shkruan mes të tjera media greke.
