Stadiumi Mestalla përjetoi ferrin në finish të takimit nga Real Madridi!
Deri në minutën e 86-të, Valencia ishte në epërsi me 1:0, por ndodhi përmbysja e madhe në 4 minutat e fundit.
Çmenduri se çfarë bëri Reali i Carlo Ancelottit, fillimisht e barazoi rezultatin 1:1 Vinicius Junior pas asistimit të Benzemasë në minutën e 86-të.
Pas dy minutave (88'), Vinicius Junior asistoi dhe Karim Benzema shënoi për fitoren e madhe të madrilenëve me rezultat 2:1.
Pas javës së pestë në Spanjë, Reali kryeson me 13 pikë, ndërsa Valencia është në pozitën e tretë me 10 sosh.
Reali nuk njeh humbje, 4 fitore e 1 barazim, për Valencinë është humbja e parë pas 3 fitoreve e një barazimi.
