Tjetër fitore për Borussia Dortmund në Champions League.
Triumfi i dytë për verdhezinjtë që janë me pikë të plota në grupin e tyre pas dy ndeshjes.
Kundër Sporting-ut ka ardhur fitorja falë golit të Malen me asist të Bellingham. Është pikërisht mesfushori - sulmues anglez që ka vendosur një rekord me të vërtetë të rëndësishëm për veten dhe historinë e kompeticionit.
Siç ka bërë të ditur Opta, futbollisti i Borussia Dortmund është bërë lojtari më i ri që ka luajtur dhjetë ndeshje titullare në Champions League.
Jude Bellingham, në moshën 18 vjeç e 91 ditë, ka mposhtur rivalë të kalibrit të Mateo Kovacic (18 vjeç e 212 ditë), Vincent Kompany (18 vjeç e 241 ditë), Kylian Mbappe (18 vjeç e 315 ditë) dhe Cesc Fabregas (18 vjeç e 328 ditë).
Qershia mbi tortë që ka kompletuar këtë arritje të madhe ka qenë asisti i dhënë për golin që ka patur vlerën e tri pikëve.
