Vedat Muriqi nuk e ka bërë ende asnjë paraqitje si titullar për Lazion këtë sezon dhe nuk pritet ta bëjë as sonte kur klubi nga kryeqyteti italian të përballet me Lokomotiv Moscow në Ligën e Evropës.
Lazio e pret klubin rus sonte në Stadiumin Olimpik në Romë për ndeshjen e dytë në grup në garën dytësore evropiane.
Skuadra e Maurizio Sarrit vjen nga një fitore e rëndësishme kundër rivalit të qytetit, Romës, në Serie A në fundjavë, por është në telashe në Ligën e Evropës tashmë, pasi e humbi ndeshjen e parë në grup kundër Galatasaray.
Si zakonisht, Sarri pritet të luajë me Ciro Immobilen në qendër të sulmit.
