Trajneri i Argjentinës, Lionel Scaloni, ka dhënë një intervistë interesante për TycSports.
Për Italinë – “Do të më pëlqente dhe do të na pëlqente të luanim kundër më të mirëve. Ndeshja e fundit kundër një kombëtareje europiane ka qenë kundër Gjermanisë, një test shumë i mirë”, ka thënë Scaloni.
“Të luash me kombëtare të mëdha para Botërorit është gjithmonë e rëndësishme, shpresojmë që të luajmë. Jemi të interesuar”.
Fituesit e Kupës së Amerikës dhe ata të Europianit do të përballen qershorin e ardhshëm.
Për Katar 2022 – “Është e vështirë të bësh parashikime dhe besoj se sot asnjë kombëtare në botë që mund të thotë se është favorite për gjithçka. Sot është e vështirë të mendohet se mund ta fitojmë Botërorin. Por kemi një skuadër që mund të luajë si e barabartë me këdo”.
Për Messin – “Ajo që mund të them është se me mua do të luajë gjithmonë. Ditën që nuk do ta bëjë, do të ndodhë sepse do të flas me të dhe do të mendoj se nuk është më në gjendje ta bëjë. Për ne është i paprekshëm”.
