Dy finale mund të quhen sfidat ndaj Hungarisë dhe Polonisë më 9 dhe 12 Tetor në kuadër të eliminatoreve për Botërorin Katar 2022. Kuqezinjtë tanë do të luajnë fillimisht në “Puskas Arena” ndaj Hungarisë në një stadium pa tifozë dhe 3 ditë më pas ndaj Polonisë dhe këto dy takime do të vendosin shumë fatin e kombëtares në Grup.
Trajneri Edy Reja e ka shpallur listen dhe në konferencën për shtyp zbulon grumbullimin dhe strategjinë e kuqezinjve për këto dy ndeshje.
Ka mungesa dhe rikthime, sa do të ndihen mungesat në mesfushë?
“Normalisht kemi mungesa të rëndësishme, Laçi dhe Abrashi por kemi një grup të madh lojtarësh, kemi zgjidhje dhe do të gjejmë zgjidhje. Për mua ka rëndësi të jenë fizikisht mire ata që janë këtu. Nuk mund të bëj vlerësime për ata që mungojnë por tani këtu duhet të flasim për ata që do të jenë në fushë, të cilët do të japin maksimumin.
Sa pike mendoni që do të merrni nda këtyre skuadrave që i kemi pare dhe përballur?
Nuk mund të bëjmë konsiderata të tilla pasi janë skuadra të forta. Ne duhet të bëjmë paraqitje poziitive, çdo ndeshje që humbet, I largohesh kreut. Të gjitha ndeshjet janë të rëndësishme dhe deçizive. Nëse duam të shkojmë në një Botëror duhet të marrim rezultate.
Mos janë shumë mbrojtës të grumbulluar?
Bëj zgjedhjet e mia dhe marr gjithmonë 2 lojtarë për çdo pozicion. Dermarku është rikthyer ashtu edhe Veseli është rikthyer nga dëmtimi. Lenjani e Trashi po bëjnë mire, është edhe Balliu që e kam ndjekur, është interesant dhe do të na shërbejë shumë në kombëtare në të ardhmen.
Manaj është I rëndësishëm për ju por a ju shqetëson që nuk ka luajtur shumë?
Ndeshjen e kaluar ishte 90 minuta, ka patur mundësi. Edhe Cikalleshi ka luajtur por do të kemi për here të pare një javë përgatitje dhe pasi ti shikoj do të vendos. Do te luajnë kush do të jetë më në formë. Ka edhe lojtarë që nuk kanë luajtur por në bazë të asaj që do të japin në një javë do të marr përgjigjet e mia.
Jemi të dytët dhe të gjithë mendojmë kualifikimin. Sa pikë I nevojiten Shqipërisë per të shkuar në playoff.
Nuk kam bërë llogari, por me Poloninë duhet të fitojmë patjetër pasi e kemi rivalin tone direkt. Duhet t’I marrim ndeshjet me radhë por rasti ideal do të ishte të merrnim 4 pikë. Nuk duhet të humbasim asnjë ndeshje sepse kompromentohen të gjitha shanset.
A mund të arrihet Anglia, si e shikoni meqe kemi dhe perballje me ta?
Anglinë nuk e kam konsideruar asnjëherë sepse do të fitojë grupin. Ne duhet të bëjmë kujdes Poloninë pasi është e dyta që parashikohet por gjithçka varet nga ne. Polonia, ungaria dhe Shqipëria kanë tani shanse të barabarta për të shkuar në playoff. Nëse ata luajnë më mirë duhet të jemi të duruar. Duhet të jemi ende në lojë për kualifikim deri në ndeshjen me Anglinë.
