Kiks-boksieri i talentuar shqiptar Besnik Bexheti nga Thai-Box Club Singen, të shtunën, që kaloi e ka mposhtur Tamim Sharifin në meçin e radhës të tij që u zhvillua në Munich të Gjermanisë, shkruan gazetari Reshat Ibraimi.
Pas fitores, ai në ring ka festuar me flamurin kombëtar.
19-vjeçari i lindur dhe rritur në Gjermani, por me origjinë nga fshati Çajle të komunës së Gostivarit, shënoi fitore me pikë.
Meçi ishte në kategorinë 65,4 kg.
“Miq, shok, familjarë dhe fansa të mi, ju falënderoj nga zemra për përkrahjen dhe besimin tuaj. Jam krenar për herë me ju! Elhamdullilah e fituam edhe këtë ndeshje. Faleminderim të veçant babait tim, Mesut Bexheti për përktahjene e madhe”, ka deklaruar Besniku pas fitores së madhe.
Kohët e fundit, Besniku ka shënuar disa fitore që janë zhvilluar në Zvicër dhe Gjermani.
