“Djajtë e Kuq” janë në kërkim të alternativave në mesfushë dhe kroati është kandidati kryesor
Manchester United është i interesuar për mesfushorin e Interit, Marcelo Brozoviç.
Për këtë siguron portali italian “Calciomercato”.
28 vjeçari ka hyrë në radar të “Djajve të Kuq” pas vështirësive që po hasin ata për vazhdimin e kontratës me Paul Pogban.
E ardhmja e Donny van de Beek në “Old Trafford” është vënë në dyshim pasi mesfushori holandez mund të largohet prej aty.
Prandaj, United do të mundohen ta sjellin në “Teatrin e Ëndrrave” Brozovicin, për të pasur më shumë alternativa në mesfushë.
Përfaqësuesi kroat ka qenë lojtar i rëndësishëm i Interit në sezonet e fundit.
