Imagjinoni të jeni trajner i të rinjve dhe të keni në skuadër Rooney dhe Ronaldo. Sigurisht, skenari është ai i Manchester United, ku talentet rriten çdo ditë, me fenomene që rekrutohen nga çdo cep i globit për të veshur të njëjtat ngjyra si “Djajtë e Kuq” të mëdhenj. Ata dy mbiemra së bashku, megjithatë, kanë një efekt të caktuar.
Wayne Rooney trajnon Derby County dhe po përballet me problemet ekonomike të klubit, ndërsa Cristiano Ronaldo ende luan në Premier League me Manchester United, shënon gola. Fëmijët e tyre luajnë së bashku në ekipin U-12 të klubit nga “Old Trafford”.
Por le të kthehemi te dy fëmijët, me ëndrrën për të imituar baballarët fenomenalë, sepse zërat vendas flasin për një marrëdhënie të kundërt të fuqisë. Të dy mbajnë mbiemrat e prindërve të tyre dhe ndahen nga tetë muaj si moshë.
Kai Wayne Rooney është i datëlindjes 2009 (nëntor), ndërsa Cristiano Jr është i korrikut 2010. Djali i ish-bomberit anglez u bashkua me akademinë e Manchester United dhjetorin e kaluar, ndërsa djali i kampionit portugez ndoqi babanë e tij, duke u larguar nga Juventusi për te “Djajtë e Kuq”.
Në ndeshjen e fundit të kampionatit, skuadra e tyre ishte protagoniste e një disfate “thriller” kundër moshatarëve Liverpool-it, 5-4. Për t’i mbajtur “djajtë” e vegjël në këmbë mendoi Kai, i jashtëzakonshëm me një “poker” personal golash.
Për momentin, pra, konkurrenca e shëndetshme dhe lozonjare midis të dyve anon në favor të mini-Rooney, si për moshën paksa më madhore, ashtu edhe për kohën e përshtatjes, pas transferimit. Më vonë do të shohim, por qëllimi i përbashkët është të rriten në mënyrë paqësore. Momenti i presionit, përfundimisht, do të vijë më vonë. Për momentin është e gjitha kuriozitet…
