Kombëtarja e Kosovës ka pranuar një lajm të mirë para udhëtimit në Suedi në kuadër të fazës kualifikuese për Kampionatin Botëror “Katar 2022”.
Pas njoftimit nga FIFA, mesfushorit të skuadrës holandeze Vitesse Toni Domgjoni i është dhënë drita e gjelbër që të luajë për Kombëtaren e Kosovës, përcjell KosovaPress.
Vendimi nga Dhoma e Tribunalit të Futbollit në FIFA për statusin e Domgjonit ka efekt të menjëhershëm.
Domgjoni, i cili për herë të parë u ftua nga Challandes në grumbullimin e lojtarëve, ka të drejtë të paraqitet qysh në ndeshjen kundër Suedisë.
