Theo Hernandez ishte heroi i Francës në gjysmëfinalen e Nations League kundër Belgjikës, në një ndeshje ku kampionët e Botës e çuan rezultatin nga 0-2 në 3-2. Finale e merituar, edhe pse jo me një lojë të mirë.
Trajneri Didier Deschamps ka folur pas ndeshjes dhe e vlerëson anësorin e majtë të Milanit, edhe pse thekson se duhet të përmirësohet ende në fazën mbrojtëse. Sigurisht vëmendje mori edhe finalja kundër Spanjës, që zhvillohet pas dy ditësh.
Finalja – “Shumë mendonin për një finale Itali-Belgjikë. Belgët zënë vendin e parë në renditjen e FIFA-s prej shumë vitesh, ndërsa ne jemi më poshtë. Spanja tregoi forcën e saj kundër Italisë, që luftoi fort edhe me 10 lojtarë. E njoh mirë kombëtaren spanjolle dhe do të na bëjë të vrapojmë. Kemi tre ditë kohë për të rikuperuar dhe për të synuar trofeun në finale”, u shpreh Deschamps.
Heroi– “Theo Hernandez është një lojtar i ri, që e kam futur në grup dhe bëri një gol deçiziv në paraqitjen e tij të dytë me skuadrën kombëtare. Disa herë është thirrur në skuadër. Kemi shumë lojtarë dhe ka shumë konkurencë. Kisha kohë që doja ta merrja.
Në fazën sulmuese është një lojtar shumë interesant, por në mbrotje duhet të rritet akoma. Është përshtatur shumë mirë në sistemin tonë. Është një element shumë i rëndësisshëm dhe kjo duket qartë, ndonëse është vetëm ndeshja e dytë që luan me ne. Po paraqitet shumë mirë”, pբrfundoi trajneri i Francës.
