Stadiumi i ri i Kukësit!
Siç është thënë edhe më parë, stadiumi “Zeqir Ymeri” i Kukësit do të hapet zyrtarisht më 15 tetor dhe puna është duke u intensifikuar edhe më shumë në impiantin më të ri në vend.
Në pamje duket që po punohet për vendosjen e tapetit dhe stolat janë vendosur në të gjithë tribunat përveç tribunës kryesore që pritet të vendosen së shpejti.
Në pamje të parë duket një impiant modern që i bashkohet kështu stadiumeve si “Elbasan Arena”, “Loro Boriçi”, “AIR Albania” dhe së fundmi dhe stadiumi i ri i Kukësit që pritet të plotësojë të gjitha kërkesat.
