Një nga gazetat më prestigjoze në botë “The Guardian”, ka publikuar një artikull, ku ka shpallur 60 talentët më premtues në botën e futbollit.
Shumë emra të njohur si Gavi (Barcelona), Romeo Lavia (Manchester City), Youssoufa Moukoko (Borussia Dortmund), janë pjesë e listës, ku pjesë e saj është edhe shqiptari i Maqedonisë së Veriut – Dashmir Elezi.
17 vjeçari luan si sulmues anësor, ku në moshën 16 vjeçari bëri debutimin e tij me skuadrën e FC Shkëndijas, ku tashmë ka edhe 30 paraqitje me klubin e parë dhe ka shënuar shtatë gola.
Lajmit për përzgjedhjen e Elezit nga gazeta “The Guardian”, si një nga 60 talentët më premtues në botë, i është gëzuar edhe klubi tetovar.
