Liga e dytë në futboll-grupi i Perëndimit është në pushim, për shkak të ndeshjeve të Nacionales së Maqedonisë për kualifikueset e botërorit “Katar 2022”. Pushimin në fjalë po e shfrytëzojnë maksimalishtë futbollistët e Gostivarit.
Këta të fundit renditen në vendin e shtatë me 5 pikë nga gjashtë ndeshje të zhvilluara, 1 fitore, 2 barazime dhe 3 humbje.
Trajneri Birol Topciu i tha gazetarit Reshat Ibraimi se kanë mundur të kenë edhe ndonjë pikë më shumë se sa kanë për momentin.
“Jam i kënaqur me rezultatet e deritashme të Gostivarit, edhe pse kemi mundur të kemi ndonjë pikë më shumë, por futbolli ëstë i tillë, nuk i kemi realizuar të gjitha rastet. Skuadra jonë është shumë e re. Kam 12 lojtarë deri 21 vjec. Jemi në 6, por shpresoj se me një punë maksimale do të bëhet edhe më mirë.
“Në fillim të sezonit ambiciet tona ishin që të mbesim në ligë. Me këto lojtarë jam i kënaqur, të cilët kanë karakterë të fortë. Kam besim të plotë, dhe i lumtur që punoj me ta. Në gjysmësezonin e dytë planifikojmë të përforcohemi dhe kam besimin se do t’ia arrijmë qëllimit tonë”, shtoi ai.
Të dielën e ardhshme, KF Gostivari në terren të vet e pret liderin Sileksin nga Kratova.
