Pas nëntë fitoreve radhazi, Brazili bën një gjysmë hap fals teksa barazoi ndaj Kolumbisë.
Me Neymar kësaj radhe në fushë dhe shumë titullarë, Seleçao nuk shkoi më shumë se një barazim pa gola në “Estadio Metropolitano” në Baranquilla. Neymar me shokë nuk arritën të gjenin portën edhe pse rastet ishin të shumta për të dyja ekipet e ndoshta barazimi ishte rezultati më i drejtë.
Argjentina ndërkohë shkëlqeu me fitoren 3-0 ndaj Uruguait në “Monumental” ku rikthimi i Lautaro Martinez ishte shumë i rëndësishëm pas atij barazimit me Paraguain.
Edhe pse rezultati 3-0 duket i thellë, Uruguai vuri në vështirësi ekipin Albiceleste me Suarez që kishte dy mundësi të arta dhe goditi shtyllën.
Ishte Messi që shënoi në minutën e 38’ me një top që u nis për kros dhe përfundoi në rrjetë ndërsa në 44 ishte De Paul që dyfishoi.Me të nisur pjesa e dytë ishte Lautaro që i vendosu vulën ndeshjes me golin e trete.
Në sfidat e tjera, Bolivia mundi 1-0 Perunë ndërsa Kili mposhti 2-0 Paraguain.
