“Bianconeri” do të mundohen ta transferojnë në janar futbollistin ofanziv të Manchester Cityt, largimin e së cilit e ka paralajmëruar edhe trajneri Pep Guardiola
Juventusi do të mundohet ta transferojë Bernardo Silvan në janar.
Lajmin e ka bërë të ditur portali italian “Calciomercato”.
Gjiganti italian do të tentojë ta marrë në formë huazimi 27 vjeçarin, përcjell “Gazeta Express”.
E më pas, ta blejë përfundimisht kartonin e tij në verën e vitit që vjen.
Trajneri Pep Guardiola tashmë e ka bërë të ditur se Bernardo Silva mund të largohet nga City.
Futbollisti i krahut të djathtë ka kontratë me Cityn deri në vitin 2025.
Por, kjo nuk nënkupton se ai nuk mund të largohet qysh nga afati i ardhshëm kalimtar.
