Presidenti i Federatës së Futbolit të Kosovës, Agim Ademi, është i pikëlluar me ikjen në amshim të legjendës së futbollit kaçanikas, Hebib Shehu.
"Me pikëllim të thellë e morëm lajmin për ndarjen nga jeta të më të dashurit tuaj Hebib Shehu, ndaj ju lutem më lejoni që në emrin tim, KE, klubeve, futbollistëve dhe tërë komunitetit të futbollit, të ju shpreh ngushëllimet më të thella dhe më të sinqerta.
“Aga Bib”, siç njihej Hebib Shehu, në opinionin kaçanikas por edhe më gjerë, ishte një atedhetar i madh, njeri i urtë e me virtyte të larta intelektuale e sportive.
Ai ishte futbollist i shquar i KF Lepenci në rininë e tij të hershme, derisa më pas e ushtroi edhe detyrën e trajnerit dhe të kryetarit të klubit. Ndërkaq, në vitet e 70-ta ishte edhe trajner i përzgjedhjes së Kosovës.
Kontributi i tij në futbollin kaçanikas dhe kosovar ishte i jashtëzakonshëm, prandaj komuniteti sportiv gjithmonë do ta kujtojë me pietet.
I lehtë i qoftë dheu i Kosovës!", shpreh ngushëllime Ademi.
