Skuadra e West Ham shënon një paraqitje tejet të mira në Ligën e Evropës.
‘Çekanët’, mposhtën Genkun me 3:0 për të blinduar pozitën e parë në grupin H, me 9 pikë të grumbulluara.
Ajo çka vlen të përmendet është fakti se Uest Hami në tri ndeshjet e luajtura në Evropë këtë edicion, nuk ka pranuar ende asnjë gol të vetëm, ndërsa ka realizuar 7 të tillë. Ata janë ekipa e vetme angleze që nuk ka pranuar asnjë gol, në kompeticionin evropian.
Chelsea ka pranuar një gol, Man. City e Tottenham nga 4, Liverpuli dhe Man. Utd nga pesë, ndërsa Leicester City plot gjashtë. Nga shtatë ekipet angleze që luajnë në Evropë, ‘Çekanët’ kanë mbrojtjen më të mirë në këtë moment.
