Skuadra e Milanit ka arritur një fitore të vuajtur por shumë të rëndësishme ndaj Bolognas duke triumfuar me rezultat 4-2 si mysafir.
Golat për “Kuqezinjtë” u realizuan nga Leao (16′), Calabria (35′), Bennacer (83′) dhe Ibrahimovic (90+).
Me golin e fundit të shënuar të ndeshjes, Ibrahimovic është futur në listën e lojtarëve më të moshuar që kanë shënuar gol në kampionatin italian.
Në fakt, Ibrahimovic është bërë lojtari i katërt mbi moshën 40-vjeçare që realizon një gol në Serie A, me moshën 40 vjeç e 23 ditë.
Para sfidës së sotme, ishin vetëm tre lojtarë që kishin arritur të bëjnë këtë: Costacurta, Piola dhe Vierchowod. Ibrahimovic tani i bashkohet kësaj liste.
