Etrit Berisha po kalon sërish një moment të vështirë në karrierë.
Portieri dhe kapiteni i Shqipërisë është duke qëndruar në stol te Torino duke i lënë vendin e titullarit Vanja Milinkovic Savic. Ky i fundit kishte të njëjtën vështirësi para këtij sezoni dhe nuk llogaritej për asnjë moment si portier i parë.
Më herët Etrit Berisha dhe Zaza ishin dy lojtarët e vetëm që nuk kishin prekur fushën me Torinon për këtë sezon.
Por Zaza ka qenë i dëmtuar dhe në mbrëmjen e djeshme ndaj Milanit do të aktivizohej në minutën e 80 të takimit.
Kjo do të thotë se Etrit Berisha është i vetmi lojtar i Torinos që nuk është aktivizuar qoftë edhe për një minutë të vetme.
