Nice merr vendin e dytë në Ligue 1, pasi mundi më përmbysje në ndeshjen e javës së 12-të Angers, në rezultatin 1-2. Skuadra e drejtuar nga trajneri Galtier e kërkoi më shumë suksesin, duke e gjetur në kohën shtesë. Golat e shënuar nga Delort në pjesën e dytë rikthejnë Nicen tek fitorja pas barazimit të një jave më parë me Marseillen.
Pjesa e parë ishte e ekulibruar, me rastet e rrezikshme që munguan. Delort krijoi situatën e parë të rrezikshme në të 22-ën, por sulmuesi ishte i pafat duke u ndalur nga shtylla. Pa u mbushur gjysmë ore lojë, Altai ndali në mënyrë të parregullt Boufal.
11-metërsh sipas gjyqtarit, i cili ishte i vendosur në vendimin e tij. Nga pika e bardhë e penalltisë, Boufal u tregua i saktë, duke u dhënë vendasve avantazhin.
Në pjesën e dytë Nice ishte më kërkuese dhe insistimi u sghpërblye në minutën e 57-të me Delort, i cili nga jashtë zone shënoi goline barazimit, duke shfrytëzuar dhe daljen jo të mirë të portierit vendas.
Angers e kishte të vështirë që të vinte në vështirësi skuadrën mike, që për minuta të tëra rriti presionin. Në minutën e parë shtesë Delort mendoi t’i dhuronte skuadrës së tij fitoren, me një gol spektakolar.
Tre pikë për Nicen, që rimerr vendin e dytë në klasifikim, megjithatë e sheh evten mjaft larg PSG-së që këtë edicion i ka mbyllur llogaritë e titullit shumë shpejt.
