Skuadra angleze Tottenham Hotspur pas shkarkimit të trajnerit Nuno Espirito Santo ka bërë zyrtare që në krye të skuadrës do të jetë italiani Antonio Conte.
Conte ka nënshkruar kontratën e tij te Tottenham sot, kontratë kjo e cila do ta mbajë atë në Londër deri në qershor të vitit 2023.
Gjatë kësaj vere, Tottenham e kishte kërkuar Conten që të jetë trajneri i tyre, por që ky i fundit kishte refuzuar, dhe sot pas zyrtarizimit të tij, Conte ka folur rreth kësaj situate.
“Verën e kaluar nuk mund t’i bashkohesha Tottenham për shkak se largimi im nga Interi kishte ndodhur në atë kohë, dhe isha i përfshirë në mënyrë emocionale me përfundimin e sezonit me ta, kështu që nuk ndihesha i gatshëm që t’i rikthehem detyrës së trajnerit”, tha Conte.
Po ashtu, Conte tregoi arsyen se pse ka ndërruar mendjen e tij për të qenë në timonin e Tottenham.
“Entuziazmi i madh dhe dëshira e pa masë e Daniel Levyt për të më besuar mua me këtë projekt ishte e mjaftueshme. Tani që mundësia u rikthye, kam vendosur që ta pranojë me dëshirën më të madhe”, shtoi trajneri italian.
Aventura e fundit e Antonio Contes ishte te skuadra italiane Inter, tek e cila e riktheu titullin e “Scuddetos” në “Giuseppe Meazza” pas plotë 11 viteve.
