Ousmane Dembele është lënduar sërish, pak ditë pasi u rikthye në fushë për herë të parë këtë sezon nga një lëndim katërmujor.
Mund të jetë e pabesueshme, por është e vërtetë. Fati i keq po e ndjek Dembelen. Sulmuesi francez u rikthye në fushë të martën kundër Dinamo Kiev në një ndeshje të Ligës së Kampionëve, por ai është lënduar përsëri.
Barcelona njoftoi se Dembele e ka pësuar një dëmtim muskulor në këmbën e majtë.
Ai do të mungojë kundër Celta Vigos në La Liga këtë fundjavë dhe do të jetë nën vëzhgimin e mjekëve.
Paraqitja e shkurtër kundër Kievit ishte e para për Dembelen këtë sezon, pasi ai mungoi katër muaj shkaku i një lëndimi në gju që e kishte pësuar në qershor në një ndeshje të Francës kundër Hungarisë.
Ai u operua dhe u rikthye të martën. Dy ditë më vonë, Barça njoftoi se ai e ka pësuar një lëndim të ri.
Që prej se iu bashkua Barcelonës, përveç lëndimeve muskulore, ai pësoi edhe lëndim të tjera si në gju, ije, kofshe dhe nyje.
Ai u detyrua të operohej tri herë gjatë kësaj kohe.
