Jose Mourinho nuk dëshiron asnjë ditë të humbur në lidhje me merkaton.
Portugezi i ka bërë me dije klubit se kërkon përforcime të reja në klub dhe ka filluar të tregojë me gisht lojtarët që dëshiron.
Pas emrit të anglezit që luan me Chelsea, Loftus-Cheek, tekniku i Romës tashmë ka “piketuar” edhe një tjetër anglez nga Tottenham. Bëhet fjalë për 25-vjeçarin Harry Winks.
Mesfushori anglez ka qënë dhe më përpara i drejtuar nga Mourinho dhe ai pëlqehet shumë nga portugezi. Mundësitë e një transferimi të mundshëm janë të shumta pasi Winks këtë sezon ka vetëm 7 prezenca me klubin e Tottenham dhe ai do që të luaj më shumë e këtë gjë Mou është gati t’ia ofrojë.
