Xavi Hernandez do të jetë trajner i ardhshëm i Barcelonës, teksa tani mungon vetëm zyrtarizimi.
Mateu Alemany dhe Rafa Yuste kanë përfunduar me sukses takimin e tyre me drejtuesit e Al Sadd dhe tashmë kanë njoftuar Joan Laporta për marrëveshjen e arritur, raporton Mundo Deportivo.
Ndërkohë, presidenti i Barcelonës, Joan Laporta tha se ai së shpejti do të bëhet trajner i Barcelonës.
“Kontrata e Xavit është pranë finalizimit dhe së shpejti ai do të jetë trajneri i ri i Barcelonës”, tha Laporta.
Xavi do ta pasojë në “Camp Nou” të shkarkuarin Ronald Coeman, të cilin përkohësisht e zëvendësoi trajneri i Barça B, Sergi Barjuan.