Në kuadër të xhiros së 13-të të Ligës së parë të futbollit në Maqedoninë e Veriut, skuadra e Shkupit, sot do të jetë mysafir I Makedonija Gj.P.
Ndeshja do të zhvillohet në stadiumin “Gjorče Petrov”, duke filluar nga ora 13:00.
Shkupi kërkon fitoren e 10-të, në ndeshjen e së nesërmes dhe të katërtën si mysafir.
Freddy Alvarez, kërkon tre pikët e radhës që Shkupi, të mbetet në vendin e parë në tabelë.
“Do të luajmë 90 minuta për tre pikët e radhës edhe pse do të jetë një ndeshje e vështirë.
Duam që të mbetemi në vendin e parë në tabelë. Duam që ti gëzojmë tifozët tanë sepse ata e meritojnë.
Ndeshja ndaj Makedonija Gj.P do të jetë e vështirë, sepse ata janë mjaft të mirë si vendas, por ne do ta japim maksimumin nga vetja”, tha Freddy Alvarez.
Në tre ndeshjet e fundit në ligë, Makedonija Gj.P, ka një fitore, një barazim dhe një humbje.
Momentalisht renditet në vendin e 9-të në tabelë, me gjithsej 14 pikë të grumbulluara.
