Kosova nesër do ta zhvillojë një ndeshje miqësore ndaj Jordanisë në Prishtinë në stadiumin “Fadil Vokrri” me fillim nga ora 18:00.
Në konferencën zyrtare para ndeshjes, trajneri i Kosovës, Primoz Gliha tha se Kosova duhet të ndryshojë, të mos ketë kaq shumë respekt për kundërshtarët.
“Kërkoj të fitohet secila ndeshje, këtë ua kam thënë edhe lojtarëve. Duhet të ndryshojmë, të mos kemi kaq shume respekt për kundërshtarët”, tha Gliha.
Pas ndeshjes miqësore me Jordaninë, Kosova do ta luajë ndeshjen e fundit kualifikuese për Kupën e Botës ndaj Greqisë në udhëtim më 14 nëntor.
