Kilian Mbape është i vendosur për t’u larguar nga PSG dhe nga janari do të nisë dhe negociatat me skuadrat që mund të marrin shërbimet e tij. Edhe pse skuadrat që do të donin shërbimet e francezit janë të shumta, 22-vjeçari e ka një një dëshirë të hershme dhe tashmë nuk është më sekret.
Sulmuesi me shumë gjasa do të transferohet në Madrid, aty ku pritet që të veshë fanellën e Realit, që po ashtu do bënte një nga goditjet e merkatos nëse do të nënshkruante me Mbappe pa shpenzuar asnjë qindarkë për kartonin e tij.
Mbappe nuk e ka fshehur dëshirën për tu larguar nga PSG, ashtu siç duket se e ka pasur një dëshirë të hershme të jetë një ditë pjesë e galaktikëve. Ish-lojtari i PSG-së Jesé, i cili ka qenë shok skuadre me Mbappe, ka deklaruar se vetë sulmuesi i ka thënë se një ditë do të luante për Real Madrid.
Kjo bisedë ka ndodhur në kohën kur Jese ishte pjesë e francezëve, dy edicione më parë e duket se një aventurë në La Liga është fiksim i Mbappe, i cili mund të realizojë ëndrrën e tij në verën e vitit të ardhshëm.
PSG po bën gjithçka që ta bindë Mbappe që të qëndrojë edhe për së paku një edicion në Paris, por duket një mision mjaft i vështirë, me francezin i cili duket se ka ndarë mendjen për të ardhmen e tij, që pritet të jetë vetëm në Madrid, duke i mbyllur derën dhe skuadrave të tjera, që ëndërrojnë të marrin një xhevahir të çmuar si Mbappe.
