Kombëtarja e Zvicrës ka nevojë për gola dhe duhet të shpresojnë që Italia të frenohet në Belfast nga Irlanda Veriore. Zvicra synon fitore sa më të thellë kundër Bullgarisë, në kuadër të Grupit C të kualifikueseve për Kampionatin Botëror.
Zvicra në këmbë, shpreson në dështimin e Italisë dhe të kualifikohen direkt në Kampionatin Botëror.
Xherdan Shaqiri do të ketë ndeshjen e tij të 100-të ndërkombëtare. Një herë e rrëzoi Bullgarinë me tre gola. Ish-selektori Ottmar Hitzfeld kujton atë.
Për Hitzfeld është “e pabesueshme” që Shaqiri tani po bën ndeshjen e tij të 100-të ndërkombëtare. “E përdora për herë të parë kur ishte 18 vjeç kundër Uruguait në vitin 2010. Është e pabesueshme që ai ka bërë tashmë 100 ndeshje ndërkombëtare, një karrierë ëndërrash që ka bërë në kombëtare.
Nuk mund ta imagjinoja atë në atë kohë, por është gjithashtu e qartë: Ai ka potencialin për ta bërë këtë, është thuajse i klasit botëror.
Një futbollist i pastër me inteligjencë loje, teknikë dhe instinkt”, tha Hitzfeld. Është e qartë se Shaqiri do të arrijë rekordmenin Heinz Hermann (118 ndeshje ndërkombëtare).
"Nëse ai qëndron në formë, ai patjetër do të jetë në gjendje ta bëjë këtë", tha më tej.
Edhe sot, ashtu si atëherë, i ka pëlqyer mënyra se si Shaqiri është pritur nga grupi. “Ai mund të luante me lojtarët më të vjetër, ishte gjithmonë i gëzuar, gjithmonë i ekuilibruar. Ai mund të argëtohet dhe të përqendrohet në lojë në momentin e duhur.
Kam vetëm kujtime të bukura dhe gjithmonë mund të mbështetesha tek ai. Sigurisht që duhet ta përkëdhelësh në momentin e duhur, por është shumë e lehtë të kujdesesh për të”, tha mes të tjera Hitzfeld, transmeton media zvicerane “Blick”..
