Arritja e sulmuesit Luuk de Jong te Barcelona verën e kaluar ishte një nga dëshirat e trajnerit Ronald Koeman.
Mirëpo, me largimin e Koeman dhe ardhjen e Xavi Hernandez në krye, holandezi nuk përshtatet më në planet e klubit.
Raportohet se Barcelona dëshiron ta largojë qendërsulmuesin në afatin kalimtar dimëror dhe janë duke shikuar mundësinë e rikthimit te Sevilla.
Por, kjo do jetë e vështirë, ngase Sevilla nuk e do më në skuadër. Presidenti Jose Castro për Cope zbuloi se nuk e mendojnë rikthimin e De Jong.
“Në këto momente nuk jemi duke menduar për rikthimin e De Jong në dimër”.
Kështu, me shumë gjasa, De Jong do qëndrojë te Barcelona deri në fundin e sezonit, ashtu siç u parapa në verë.
