Ish-futbollisti i Arsenalit, Theo Walcott, ka komentuar rikthimin e mundshëm të mesfushorit të Juventusit, Aaron Ramsey, në klubin londinez.
Walcott ka thënë se ai mendon që Ramsey dëshiron të rikthehet në “Emirates”.
“Do të ishte mirë nëse Ramsey do të kthehej në Premier Ligë. Unë mendoj se ai do ta pëlqente këtë. Një pjesë e imja mendon se ai dëshiron të kthehet në Arsenal” – tha fillimisht futbollisti anglez.
“Ai është në Juventus tani. Ai luajti shkëlqyeshëm për Uellsin. Në Itali, shumë nuk i kanë parë ende të gjitha aftësitë e tij plotësisht.
Ai është lider dhe punëtor. Ai ende luan për kombëtaren, ka luajtur kaq shumë ndeshje. Do të jetë mirë nëse ai kthehet në Premier Ligë.
Të gjithë duam që lojtarë të tillë të kthehen në Premier Ligë. Për shembull, Cristiano Ronaldo është kthyer” – ka deklaruar Walcott, i cili aktivizohet te Southamptoni.
Ndryshe, Aaron Ramsey është pjesë e Juventusit që nga viti 2019.
30-vjeçari ka kontratë të vlefshme me klubin italian deri më 30 qershor 2023.
