Portierja e ekipit iranian të futbollit për femra është zotuar se do të padisë Federatën jordaneze "si bullizuese" pasi ata e akuzuan atë se ishte burrë.
Zohreh Koudaei, 32 vjeç, priti dy penallti në një fitore 4:2 ndaj Jordanisë në Uzbekistan më 25 shtator, që do të thotë se skuadra iraniane e grave u kualifikua për Kupën e saj të parë të Azisë për Femra.
Por pas ndeshjes Federata e Jordanisë kërkoi 'një kontroll të verifikimit gjinor' për Koudaei nga Federata Aziatike e Futbollit (AFC).
Koudaei tha prerazi: 'Unë jam një grua. Ky është bullizëm nga Jordania.'
"Unë do të padis Federatën e Jordanisë," shtoi ajo, sipas gazetës turke Hurriyet.
