Gjigandi gjerman Bayern Munich është në pritje të rezultatit të testit që mesfushori Joshua Kimmich ka bërë, pasi që ky i fundit ka pasur kontakte me dikë që ka mundur të jetë pozitiv me Covid-19.
Trajneri i Bayernit Julian Nagelsmann e ka konfirmuar që Kimmich ka munguar në stërvitje sot për arsye të kujdesit ndaj grupit tjetër të lojtarëve, dhe se kampioni i Bundesligas është në pritje të testit PCR të tij, përcjell KosovaPress.
Kimmich, i cili publikisht e ka pranuar se nuk është vaksinuar me asnjërën dozë të vaksinës kundër Covid-19, së fundmi iu desh të izolohet se bashku me Serge Gnabryn dhe Jamal Musiala për shkak të kontaktit me mbrojtësin Niklas Sule.
Niklas Sule u largua nga grumbullimi i Kombëtares së Gjermanisë para ndeshjeve me Lihtenshtajnin dhe Armeninë për shkak se kishte rezultuar pozitiv me Covid-19.
