Gjigandi italian Juventus është i gatshëm që ta largojë nga skuadra mesfushorin Dejan Kulusevski, raporton “Calciomercato”.
Krerët e Juventusit do të dëgjojnë për oferta që mund të përfshijnë huazimin por edhe transferimin permanent të Kulusevskit.
Raportohet se mesfushori 21 vjeçar mund të shitet në afatin kalimtar të transferimeve në janar, ku interesim për të kanë shprehur dy skuadrat londineze Arsenal dhe Tottenham Hotspur.
Kontrata aktuale e Kulusevskit me “Zonjën e Vjetër” skadon në qershor të vitit 2025.
Që prej transferimit nga skuadra e Parmas te Juventusi, Kulusevski ka arritur të bëjë 62 paraqitje në të gjitha garat, duke regjistruar tetë gola dhe tetë asistime për gjigandin italian.
